Nesër në Kosovë mëngjesi do të jetë pak më i freskët me vranësira e intervale me diell, kurse gjatë ditës vranësirat do të dobësohen apo largohen dhe pritet rritja e temperaturave.
Mimimalja parashihet të zbres deri në 14 gradë Celsius, kurse maksimalja pritet të shkojë deri në 33 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe vranësira lokale të cilat rrallë në ndonjë rajon mund të kushtëzojnë ndonjë rigë ose rrebesh të shkurtër, të izoluar shiu. Temperaturat pas freskimit afatshkurtër do të rikuperohen menjëherë.
Vapa verore do të intensifikohet nga dita e enjtje duke rritur temperaturat pak mbi 35 gradë Celsius në Kosovë e pak më nxehtë në Shqipëri dhe Maqedoninë e Veriut. Në lindje të Shqipërisë mund të ketë zhvillime të ndonjë rrebeshi të izoluar.
Të Premten shumë nxehtë në të gjitha viset. Pasdite në disa rajone malore në lindje të Shqipërisë, perëndim të Maqedonisë së Veriut dhe juglindje të Kosovës mund të ketë rrebeshe të izoluara shiu me vetëtima dhe bubullimë si pasojë e zhvillime të mundshme konvektive në ato rajone kryesisht kodrinore-malore.
Fundjava vjen po ashtu shumë e nxehtë, por me mundësi të stuhive të izoluara në disa pjesë të Kosovës, fillimisht në viset kodrinore-malore, pastaj edhe në ndonjë zonë të ulët./MeteoBallkan
