Nesër në Kosovë na pret mot i ndryshueshëm, me intervale kohore me diell, vranësira lokale e reshje të izoluara, kurse pasdite vonë ose në mbrëmje vonë do të ketë shtim të reshjeve dhe depërtim të një fronti të ftohtë ajror me rrebeshe lokale shiu me mundësi edhe për ndonjë vetëtimë e bubullimë.
Erërat do të fryjnë së pari nga jugu pastaj nga perëndimi e në fund nga veriu.
Temperaturat pritet të luhaten nga 7 minimalja deri në 22 gradë Celsius ajo maksimale.
Reshje intensive priten sonte në shumë pjesë të Shqipërisë e disa mund të depërtojnë edhe në Dukagjin të Kosovës, madje edhe në vise tjera të Kosovës, pra sonte gjatë natës.
Nesër në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me vranësira e reshje lokale si dhe me intervale kohore me diell. Gjatë natës depërton fronti i ftohtë, por me ndikim shumë të vogël krahasuar me Kosovën.
Të Premten na pret mot më stabil, me intervale me diell e vranësira lokale. Temperaturat në ulje të lehta.
Fundjava; të shtunën mot më stabil dhe pa reshje kurse të dielën në Shqipëri me reshje lokale shiu, kurse në Kosovë priten vranësira, por reshjet do të jenë shumë më të pakta./MeteoBallkan
