Gjatë natës në shumë pjesë të Kosovës priten reshje shiu, lokalisht në formë të rrebesheve deri në orët e mëngjesit ose eventualisht paradites.
Nesër në Kosovë pritet të reshjet të ndalen dhe gjatë ditës do të ketë edhe periudha me diell sidomos në pjesët lindore të vendit e në perëndim më shumë vranësira dhe mundësi për reshje lokale.
Temperaturat do të shënojnë rritje dhe pritet të lëvizin nga 8 minimalja deri në 18 apo 19 gradë Celsius ajo maksimale.
Reshje e rrebeshe lokale shiu priten sonte edhe në shumë pjesë të Shqipërisë të cilat do të vazhdojnë edhe gjatë ditës së mërkurë. Vende-vende priten rrebeshe më intensive sidomos në veri/veriperëndim dhe disa Qarqe në qendër të Shqipërisë.
Periudha me diell nesër priten në Maqedoninë Veriore e në perëndim priten më shumë vranësira e ndonjë reshje lokale.
Reshje të pakta lokale nesër priten në Luginën e Preshevës dhe priten vranësira e intervale të gjata kohore me diell, kurse në Mal të Zi priten vranësira të dendura me reshje të shpeshta shiu.
Reshjet e shiut do të vazhdojnë edhe të enjten në Mal të Zi dhe thellë në veri të Shqipërisë e në viset tjera më shumë periudha të thata dhe lokalisht edhe periudha me diell, por nuk do të mungojnë zhvillimet lokale.
Të Premten do të vazhdojë reshjet në Mal të Zi dhe pjesë të Shqipërisë, ndërsa në Kosovë dhe Maqedoninë Veriore më ngrohtë me vranësira e intervale kohore me diell dhe mundësi për reshje të izoluara. Në mbrëmje vonë një sistem i fuqishëm me vranësira të dendura do të përfshijë të gjitha viset me reshje shiu e mundësi për rrebeshe me vetëtima dhe bubullimë. E shtuna do të jetë e vranët e me reshje shiu dhe ulje të temperaturave. Në viset malore reshje bore. Pasdite ose në mbrëmje stabilizim gradual i motit./MeteoBallkan
