Nesër në Kosovë pritet të mbajë mot me vranësira e intervale kohore me diell dhe rrallë në disa rajone mund të ketë rrebeshe të izoluara, por në mbrëmje dhe gjatë natës priten më shumë vranësira të cilat do të kushtëzojnë reshje lokale shiu e mundësi për rrebeshe lokale.
Temperaturat pritet të luhaten nga 5 minimalja deri në 15 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me vranësira e periudha me diell dhe rrallë në ndonjë rajon priten reshje atmosferike. Vonë në mbrëmje do të ketë dendësim të vranësirave dhe reshjet dhe rrebeshet e shiut do të fillojnë së pari në Shqipëri e Mal të Zi, pastaj do përfshijnë edhe pjesë tjera të rajonit gjatë natës. Rrymimet ajrore nga jugu do të fuqizohen në të gjitha viset.
Të mërkurën na pret mot me diel e vranësira, në Kosovë rritje të temperaturave e në Shqipëri reshje të shpeshta, lokalisht rrebeshe me vetëtima dhe bubullimë. Në Kosovë reshje më të rralla dhe më të izoluara. Nganjëherë reshje priten edhe në Kosovë dhe Maqedoni sidomos orëve të mbrëmjes apo gjatë natës, por duke mos përjashtuar edhe ditën në disa rajone.
Rrymimet ajrore do të jenë gjithnjë të fuqishme nga jugu dhe temperaturat do të rriten vazhdimisht sidomos në kombinim me rrezet diellore./MeteoBallkan
