Ditën e djeshme jugu, jugperëndimi dhe juglindja e Shqipërisë përfituan reshje impozante shiu, megjithatë thatësia ende vazhdon sepse kemi pasur periudhë të gjatë kohore pa reshje atmosferike. Në juglindje të Shqipërisë pati edhe reshje bore posaqërisht në viset kodrinore-malore. Rajonet tjera duke përfshirë shumë pjesë të Shqipërisë nga qendra drejt veriut, Kosova dhe Maqedonia nuk përfituan fare reshje atmosferike dhe gjendja vjen e bëhet gjithnjë e më serioze si pasojë e thatësisë ekstreme.
Ditëve të ardhshme rajoni ynë do të vazhdojë të jetë nën ndikimin e masave të fuqishme të thata ajrore anticiklonike që vijnë nga Evropa. Ky anticiklon me qendër në Evropën Qëndrore do të vazhdojë të pengojë reshjet atmosferike që të depërtojnë në rajonin tonë.
Ditët e ardhshme do të jenë më të nxehta dhe më stabile si dhe temperaturat do të shënojnë ngritje graduale. Netët do të jenë të ftohta dhe ende ekziston rreziku potencial për ngrica të dobëta gjatë netëve të kthjellëta që na presin.
Në fundjavë mbi rajonin tonë do të depërtojnë masa më të nxeta me origjinë nga Mesdheu dhe Afrika Veriore dhe në këtë mënyrë përsëri na pret një fundjavë me mot mjaft të këndshëm dhe stabil. Gjithashtu do të jetë mjaft nxehtë posaqërisht gjatë ditëve, kurse netët do të vazhdojnë të jenë të ftohta./Meteoballkan
