Afërsisht nga mesi i muajit Prill në drejtim të Evropës Qendrore do të kemi edhe një depërtim të masave të ftohta ajrore nga veriu i Kontinentit. Modelet parashohin krijimin e një blloku të fuqishëm anticiklonik në Skandinavi dhe si pasojë do ti hapet rruga ajrit të ftohtë të depërtojë në drejtim të Evropës Qendrore.
Sipas ecurive aktuale sinoptike ky i ftohtë do të prekë edhe pjesë të Gadishullit Ballkanik siç janë Sllovenia, Kroacia dhe Bosna dhe Hercegovina të cilat kërcënohen nga acaret e vona të Prillit. Poashtu sipas ecurive aktuale ky i ftohtë do të prekë edhe rajonin tonë por në një masë më të butë.
Sigurisht se modelet do të evoluojnë me analizat e tyre ditëve të ardhshme dhe të shpresojmë që nuk do të befasohemi nga ndonjë acar i mundshëm në mes të muajit Prill.
Gjykuar nga dita e sotme ne nuk do të kemi acar, por kjo mund të ndryshojë dhe se për çdo ndryshim eventual do të njoftoheni me kohë./Meteoballkan
