Në disa rajone reshjet kanë ndaluar, kurse në disa rajone ato ende vazhdojnë. Gjatë orëve në vazhdim priten reshje lokale, pra vende-vende. Në orët e mbrëmjes apo natës do të ketë valë të reja reshjesh atmosferike. Qendra ciklonike do të rrugëtojë shumë ngadal në drejtim të Greqisë duke sjellur lagështirën në drejtim të territoreve tona. Pra, gjatë natës priten reshje të reja shiu në shumicën e territorit të Republikës së Kosovës dhe në Maqedoninë e Veriut. Reshje apo rrebeshe shiu do të ketë edhe në Shqipëri por ato do të jenë të karakterit lokal.
Reshje shiu në Kosovë priten edhe nesër, herë pas here priten reshje të dendura shiu. Po ashtu edhe në Shqipëri, Maqedoninë e Veriut dhe Mal të Zi priten reshje të herëpashershme shiu, Lokalisht mund të ketë edhe rrebeshe shiu me vetëtima dhe bubullimë.
Edhe ditëve të ardhshme pritet mot i ndryshueshëm, me intervale kohore të that dhe papritmas me zhvillim vranësirash të cilat do të kushtëzojnë rrebeshe lokale shiu me vetëtima dhe bubullimë./Meteoballkan
