Të paktën 12 persona kanë humbur jetën dje në Kinë pas një goditje tërmeti në Provincën jugore të Kinës Sichuan, ndërsa raportohet se të paktën 130 persona janë lenduar, shumë prej tyre me lëndime serioze.
Epiqendra e tërmetit ishte jashtë qytetit të banuar me 4.4 milion banorë. Fuqia e tërmetit ishte me magnitud prej 6.0 shkallësh, ndërsa ekipet e shpëtimit vazhdojnë punën e tyre në ndihmë të personave të goditur nga kjo fatkeqësi natyrore. Reth 4000 persona janë detyruar të largohen nga shtëpitë e tyre pas shkatërrimit nga tërmeti.
Agjencia e lajme kineze Xinhua ka njoftuar se një hotel është shembur tërësisht në qytetin Changning. Gjithashtu raportohet se një numër i rrugëve janë dëmtuar strukturalisht dhe ka pasur rrokullisje të shkëmbinjve nga kodrat përreth duke bllokuar dhe vështirësuar lëvizjen e banorëve./Meteoballkan
