Java e ardhshme do të karaktrizohet me mot jashtëzakonisht të nxehtë në Kontinentin Evropian. Një masë ajrore me origjinë nga Afrika Veriore do të depërtojë në drejtim të Spanjës fillimisht e pastaj edhe në drejtim të Francës dhe Italisë. Vala e nxehtësisë do të jetë potencialisht e rrezikshme edhe për jetë njerëzore duke pasur parasysh lagështinë e ajrit në Evropë.
I nxehti ekstrem do të përfshijë edhe Zvicrën, Gjermaninë, pjesë të Britanisë së Madhe, shtetet e Beneluksit, Evropën qendore etj. Temperaturat në shumë rajone të Spanjës, Francës, Italisë etj. pritet të arrijnë deri në 40 gradë celsius.
Përderisa Evropa do të përballet me të nxehtit ekstrem Gadishulli Ballkanik pritet të jetë nën ndikimin e masave ajrore më të freskëta, kurse me kalimin e ditëve nga mesi i javës së ardhshme e tutje i nxehti mund të përfshijë edhe rajonin tonë. Jemi duke e përcjellur situatën sinoptike dhe do tju njoftojmë me kohë, çdo ditë për ecuritë më të reja sinoptike./Meteoballkan
