Në rajonin tonë deri më tani atmosfera është kryesisht stabile, por ka disa përjashtime. Në disa rajone kodrinore-malore në Kosovë pati dhe ende ka riga apo rrebeshe të izoluara shiu, ndërsa zhvillim lokal të vranësirave ka në shumë pjesë. Ngjashëm është edhe në Shqipëri
Pak më ndryshe është gjendja në veriun e Malit të Zi dhe shumë pjesë të Bosnjës dhe Hercegovinës ku kemi zhvillime konvektive të fuqishme të vranësirave. Në Bosnjë dhe Hercegovinë ka rrebeshe të fuqishme shiu me vetëtima, bubullimë dhe breshër si pasojë e depërtimit të një fronti të dobët të ftohtë ajror dhe disa nga këto sisteme mund të depërtojnë edhe në Serbi.
Tek ne nesër pritet të kemi ditë jostabile dhe edhe pse do të jetë nxehtë do të ketë gjasa për zhvillime të vranësirave konvektive të cilat do të kushtëzojnë rrebeshe lokale shiu me vetëtima dhe bubullimë./Meteoballkan
