Nesër në Kosovë, Shqipëri dhe Maqedoni do të mbajë mot krejtësisht i ngjashëm sikur sot pra me diell dhe mjaft stabil.
Të Premtën gjithashtu gjatë ditës pritet mot stabil dhe me diell mirëpo pasdite në Kosovë pritet që vranësirat gradualisht të shtohen. Në orët e natës priten reshje shiu në shumë pjesë të Republikës së Kosovës. Do të kemi edhe zbritje të temperaturave dhe erëra të lehta deri mesatare veriore. Edhe në Maqedoni natën mes së shtunës dhe së dieles vende vende priten reshje shiu, ndërsa në Shqipëri do të vazhdojë të jetë kryesisht thatë me përjashtim të pjesëve verilindore të vendit.
Ditëve në vazhdim do të kemi mot mjaft jostabil dhe të ndryshueshëm me depërtim të mëtutjeshëm të masave ajrore të ftohta nga veriu i kontinentit të cilat do të shkaktojnë zbritje të mëdha temperaturash si dhe herë pas here do të kemi reshje shiu ndërsa në viset malore të Kosovës, Shqipërisë por edhe Maqedonisë do të kemi edhe reshjet e para të borës. Nuk përjashtohet mundësia që reshje bore të kemi edhe nëpër disa qytete. Sipas ecurive aktuale reshjet më të dendura do të jenë në pjesën jugperëndimore të Maqedonisë dhe në lindje të Shqipërisë,reshje të dendura bore do të ketë në veriun e Malit të Zi dhe malet Bosnjës, kurse stuhi të fuqishme me potencial vërshimesh do të godasin Greqinë.
Informacione të reja nesër në Meteoballkan/Meteoballkan.
