Fronti më i ri nga veripeërndimi i Evropes pritet të arrijë sonte edhe në vendin tonë duke na sjellur reshje të reja shiu. Ky front do të jetë me dimensione më të mëdha dhe pritet të përfshijë pothuajse tërë rajonin.
Temperaturat ende janë relativisht të larta sepse ende jemi nën ndikimin e masave ajrore para-frontale. Me kalimin e frontit erërat jugore do të pushojnë dhe do të fillojnë të fryjnë nga veriu dhe veriperëndimi. Kjo do të shkaktojë edhe ulje të temperaturave. Priten reshje shiu, herë pas here dhe vende-vende mund të ketë edhe rrebeshe intensive shiu me vetëtima dhe bubullimë veçanërisht në viset mesdhetare të Shqipërisë. Reshjet më të dendura priten gjatë orëve të vona të mbrëmjes dhe gjatë natës, por nuk priten probleme të mëdha edhe pse mund të ketë vërshime afatshkurtra në disa zona urbane për shkak të sistemeve të vjetra të kanalizimeve dhe keq-organizimit urban e jo se do të ketë reshje ekstreme. Në Kosovë në përgjithësi nuk pritet të ketë reshje të cilat mund të shkaktojnë ndonjë problem të madh.
Nesër në tërë rajonin e veçanërisht në Kosovë do të jetë ftohtë. Reshjet do të jenë të lehta dhe erërat veriore në disa rajone si në veri dhe veriperëndim të vendit herë pas here pritet të jenë të fuqishme, por nuk pritet asgjë ekstreme. Në viset më larta malore mund të ketë reshje bore.
Për fundjavë pritet që erërat të fillojnë të fryjnë përsëri nga jugu dhe kjo do të shkaktojë ngritje të lehta të temperaturave. Reshje atmosferike nuk pritet të ketë./Meteoballkan