Qershori 2025 po shkon dhe do mbahet mend si një ndër Qershoret më të thatë në histori dhe po ashtu edhe mjaft i nxehtë. Reshje shiu nuk ka pasur në shumë rajone pothuajse asnjë pikë. Megjithatë, rrallë në disa zona kishte rrebeshe dhe stuhi që ndikuan në zbutjen momentale të gjendjes, por nuk ndikuan fare në eliminimin e thatësisë ekstreme.
Sipas ecurive të fundit sinoptike edhe Korriku do të fillojë me parametra të ngjashëm sikur Qershori.
Nën ndikimin e fuqishëm anticiklonik reshjet atmosferike janë shumë larg viseve tona. Po ashtu do të kemi depërtimin e ri të ajrit të nxehtë me origjinë nga Afrika veriore. Kjo gjendje normalisht që është pak ekstreme, por jemi në stinën e verës dhe gjithçka është brenda suazave dhe konditave meteorologjike.
Këto lloj ekstremesh kanë ndodhur edhe në të kaluarën dhe janë rezultat i qarkullimit të masave ajrore globale.
Dita e fundit e Qershorit e thatë, me diell dhe vranësira lokale, ndërsa Korriku fillon ngjashëm, me diell dhe vranësira të pakta lokale.
Temperaturat do të fillojnë të rritjen gradualisht, ndërsa me afrimin e fundjavës vala e nxehtësisë intensifikohet edhe më shumë duke rritur temperatura në Kosovë deri në 38 apo 39 gradë Celsius, ndërsa në vendet më të nxehta në Shqipëri dhe Maqedoninë Veriore ato prapë do të shkojnë deri në 40 gradë Celsius.
Në perëndim të Shqipërisë vala e nxehtësisë nuk është ndërprerë fare dhe nuk priten të ndërpritet. Në viset kontinentale ajo është ndërprerë, por tani jemi në fillimet e valës më të re të nxehtësisë.
Pra, gjatë kësaj jave na pret mot kryesisht i thatë dhe i nxehtë. Secila ditë do të jetë më e nxehtë se tjetra.
Zhvillime të izoluara gjatë ditëve të punës ndonjë ditë mund të ketë vetëm në viset e larta malore të rajonit.
Mundësi për zhvillime lokale gjatë fundjavës
Kulminacioni i nxehtësisë pritet ditën e Premte, por nxehtësia e madhe do të vazhdojë edhe gjatë fundjavës me mundësi për zhvillime të izoluara në disa zona.
Sipas ecurive aktuale sinoptike këto zhvillime nuk do të duhet të ishin të forta, përpos viseve kodrinore-malore ku mund të ketë stuhi të fuqishme të izoluara, por gjithsesi kjo mund të ndryshojë me kalimin e ditëve.
Ishte ky parashikimi i motit për ditën e fundit të Qershorit dhe javën e parë të Korrikut. Ndryshime në parashikim vështirë që mund të ketë, por nëse do të ketë do të njoftoheni në postimet tona të përditshme./MeteoBallkan
