Temperaturat kanë kulmuar sot në rajonin tonë pasiqë kemi afrimin e frontit të ftohtë i cili do të arrijë gjatë orëve të nates në territoret tona.
Pritet destabilizim i motit gajtë orëve të nates dhe vende-vende do të ketë reshje shiu duke mos përjashtuar edhe rrebeshet e shiut me vetëtima dhe bubullimë. Modelet në çastin e fundit kanë shtuar pak sasinë e reshjeve. Më së shumti reshje priten në veriun e Shqipërisë dhe rajonin e Dukagjinit, lokalisht edhe në viset tjera, por prapëseprapë disa rajone do të mbesin pa reshje.
Nesër në mëngjes pritet të kemi mot të vranët, vende-vende me mundësi të reshjeve të shiut të cilat pritet të ndërpriten në çdo moment. Gjatë dites pritet stabilizim i motit dhe kthjellim gradual./Meteoballkan