Nesër në Kosovë pritet të mbajë mot shumë i nxehtë dhe kryesisht me diell. Pasdite do të ketë shtim dhe grumbullim lokal të vranësirave. Në disa zona kryesisht në veri të vendit dhe në juglindje mund të ketë stuhi të izoluar shiu me vetëtima dhe bubullimë dhe atë kryesisht në viset kodrinore-malore.
Temperaturat maksimale pritet të arrijnë deri në 37 apo 38 gradë Celsius, prandaj rekomandohet kujdes i shtuar orëve të mesdite dhe pasdites për personat e ndjeshëm.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe shumë nxehtë ku temperaturat në zonat më të nxehta pritet të arrijnë deri në 39 apo 40 gradë Celsius.
Pasdite vonë rrallë në disa zona malore mund të ketë ndonjë stuhi të izoluar shiu me vetëtima dhe bubullimë.
Edhe dita e diel do të karakterizohet me vapë të madhe verore. Pasdite mund të ketë zhvillime të izoluara në disa zona malore me ndonjë stuhi të izoluar shiu me vetëtima dhe bubullimë.
E Hëna shumë e nxehtë me fuqizim gradual të erërave jugperëndimore.
Të Martën destabilizim gradual i motit me ulje graduale të temperaturave ku vende-vende do të ketë edhe rrebeshe shiu. Të Mërkurën dukshëm më freskët./MeteoBallkan
