Ajsbergu më i madh në botë pritet të futet në jug të Oqeanit, pasi ishte shkëputur nga Antarktiku dy vite më parë.
Ajsbergu i quajtur A68 prej 6 mijë kilometrave katrorë, është katër herë më i madh sesa Londra apo më mirë thënë ka madhësinë e njëjtë sa shteti amerikan Delaware, transmeton Telegrafi.
Kjo copë e madhe e akullit që peshon një miliardë tonelata, ishte këputur nga Antarktiku në vitin 2017, dhe prej atëherë ka udhëtuar në drejtim të veriut.
A68 aktualisht gjendet në Jug, por në momentin që arrin në oqean të hapur sipas gjitha gjasave do të thyhet për shkak të ujërave të trazuar. /Telegrafi/
