Pas shumë vitesh e dekadash Instituti Meteorologjik i Britanisë së Madhe ka lëshuar alarmin me rrezikshmërinë më të lartë nga temperaturat e larta që pritet të përfshijnë Britaninë e Madhe fillimin e javes së re.
Është ky alarmi i parë i kuq për rrezikshmëri të paparë për nxehtësi ektreme nga Zyra Meteorologjike britanike i lëshuar ndonjëherë.
Temperatura më e larte e regjistruar ndonjëherë në Britaninë e Madhe deri më tani është 38.7°C dhe valët e nxehtësisë në ketë pjesë të globit janë shumë të rralla.
Nga e hëna priten temperatura ekstreme deri në 40°C që nuk është shënuar asnjëherë në Historinë e Britanisë së Madhe. Edhe temperatura minimale nuk pritet të ulet në 24°, madje mund të ndodhë nën 25°C në zonat e Londres dhe zona tjera qendrore deri në veri të Anglisë, dhe kjo po ashtu e bënë temperaturen më të lartë minimale ndonjëherë.
Qeveria dhe zyra meteorologjike po udhëzojnë popullin britanik se si të sillen dhe përballojnë një valë kaq ekstreme të të nxehtit afrikan në vend.
Kjo valë nxehtësie pritet të filllojë nesër, të kulmojë të martën dhe të përfundojë rreth mesit të javes./MeteoBallkan
