Javën e ardhshme sipas ecurive aktuale sinoptike në Skandinavinë Lindore dhe Rusinë Perëndimore do të krijohet një anticiklon mjaft i fuqishëm kurse masat e lagshta ajrore apo ciklonet do të vazhdojnë të depërtojnë Nga Atlantiku përmes Mesdheut, rajonit tonë dhe në drejtim të Turqisë.
Në javën e ardhsme përmes periferisë së këtij anticikloni do të fillojë të depërtojë ajri i ftohtë nga Evropa Lindore në drejtim të Gadishullit Ballkanik që si pasojë do të ketë ndeshje të masave ajrore të nxehta nga Mesdheu dhe masave ajrore të ftohta nga veriu dhe verilindja. Kjo është një situatë ideale për kushte dimërore në rajonin tonë, dhe kjo sipas të gjitha gjasave do të ndodhë në fund të këtij muaji por duhet theksuar përsëri se për sasinë e reshjeve dhe se cilat rajone Në Ballkan do të përfitojnë më shumë reshje duhet pritur edhe pak ditë në mënyrë që ti dijmë detajet.
Pothuajse i sigurtë është fakti se do të kemi depërtimin e ajrit të ftohtë por mbetemi ende të pasigurtë sa i përket sasisë dhe lokacionit të saktë të reshjeve atmosferike. E kemi fjalën gjithnjë për tre ditët e fundit të këtij muaji.
Sido që të jetë ne do të përcjellim gjendjen dhe do tju njoftojmë për detaje në ditët e ardhshme. Meteballkan.
