Në tërë Gadishullin Ballkanik që nga dita e nesërme pritet që temperaturat të ngriten pas goditjes së parë serioze dimërore për këtë sezonë. Bora do të shkrihet pothuajse në të gjithë rajonin duke filluar nga Sllovenia, Kroacia, Bosnja dhe Hercegovina, Mali i Zi dhe Serbia. Bora do të mbetet vetëm në viset malore mbi 1000 metra lartësi mbidetare, ndërsa nëpër ultësira do të shkrihet tërësisht. Gadishulli Ballkanik ditëve të fundit u godit nga stuhi të fuqishme dimërore, ku më së shumti pësuan Bosnja dhe Hercegovina,Mali i Zi, Serbia dhe Rumania. Edhe sonte në zonat kontinentale të rajonit siç shihet edhe në fotografinë kryesore temperaturat janë dukshëm nën 0 gradë celsius, kurse në rajonet bregdetare është dukshëm më nxehtë.
Nga dita e nesërme temperaturat do shënojnë ngritje në të gjithë rajonin si rezultat i depërtimit të masave ajrore të nxehta nga Atlantiku dhe Afrika Veriore. Në Shqipëri dhe Kosovë priten reshje të dobëta lokale shiu dhe bore të cilat do të jenë afatshkurtëra.
Në fundjavë temperaturat do të shënojnë ngritje të mëtutjeshme kurse nga e hëna pasdite apo në mbrëmje në Kosovë dhe Shqipëri priten reshje të reja atmosferike, kryesisht reshje shiu në viset e ulëta dhe bore në viset malore. Reshjet e borës mund të paraqitën shkurtimisht edhe në viset e ulëta në Kosovë. Pas kalimit gjatë ditës së Martë të këtij cikloni do të pasojë ulja e sërishme e temperaturave dhe rikthimi i acarit Siberik, por asgjë ekstreme për momentin nuk parashihet./Meteoballkan.
