Sot ishte dita më e nxehtë e kësaj vere deri më tani në Gadishullin Ballkanik ku temperaturat në shumë rajone arriten deri në 40 gradë Celsius, madje në disa vise kjo shifër u tejkalua. Më së nxehti në Ballkan sot ishte në Mostar të Bosnjës dhe Hercegovines dhe në qytetin Zajeqar në Serbi ku u regjistruan temperatura 42 gradë Celsius.
Në shumë qytete tjera të rajonit u shënuan temperatura nga 38 deri në 40 gradë Celsius.
Në Kosovë më së nxehti ishte në Gjakovë dhe Kamenicë, 38 gradë Celsius. Temperatura mjaft të larta (deri 40 gradë Celsius) sot u regjistruan edhe në territorin e Shqipërisë, Malit të Zi dhe Maqedonisë së Veriut.
Vala e fuqishme e nxehtësisë afrikane do të vazhdojë edhe ditët e ardhshme, me ndërprerje të përkohshme nesër pasdite vonë në disa vise të Kosovës ku priten rrebeshe lokale shiu me vetëtima, bubullimë dhe mundësi për breshër afatshkurtër. /MeteoBallkan
