Siç kemi paralajmëruar në postimet paraprake një anticiklon i fuqishëm do të shtrihet mbi Evropë dhe rajonin tonë duke krijuar efektin e bllokadës anticiklonike e cila pamundëson depërtimet e masave ajrore të paqëndrueshme në rajonin tonë. Për këtë arsye para nesh kemi një periudhë me mot kryesisht stabil dhe relativisht të ngrohtë pranveror. Temperaturat do ti ngjajnë pranverës së hershme.
Për shkak të masave stabile ajrore gjatë netëve dhe mëngjeseve të ardhshme në disa rajone mund të vijë deri te fenomeni i inversionit të temperaturave dhe si rrjedhojë mund të ketë edhe mjegull dhe ngrica të dobëta. Kjo mund të vlejë më së shumti për disa lugina. Në përgjithësi para nesh një periudhë me mot të thatë dhe stabil, me netë dhe mëngjese të ftohta dhe me ditë të relativisht të ngrohta dhe të këndshme./Meteoballkan