Janë bllokuar rrugët që shpien për në Shalë të Bajgorës për shkak të reshjeve të borës.
Bora ka bllokuar rrugët që shpien në Shalën e Bajgorës dhe ekipet emergjente janë duke punuar për të zhbllokuar rrugën në këtë pjesë.
Këtë e ka bërë të ditur i pari i Mitrovicës, Agim Bahtiri, përmes një postimi në profilin e tij zyrtar në rrjetin social Facebook.
Bahtiri ka publikuar edhe një fotografi të tij, ku shihet se në këtë pjesë të Kosovës ka rënë mjaftë borë, e madje trashësia e saj, ka arritur deri në gjunjët e tij.
Njoftimi i plotë i Bahtirit, pa ndërhyrje:
Sapo vizitova Shalën e Bajgorës për ta përcjellë nga afër punën e madhe që po e bëjnë ekipet emergjente për zhbllokimin e rrugëve nga bora.Në këto orë të vona janë duke punuar pesë ekipe emergjente në rajonin e Shalës, përderisa në qytet dhe fshatrat tjera përreth po punojnë ekipet tjera për pastrimin e rrugëve nga bora.Ekipet tona punuese nuk do të ndalen, derisa të gjitha rrugët të bëhen të kalueshme.
