Vala e ajrit polar që përfshiu Evropën gjatë ditës së djeshme ka depërtuar në Rumani. Meteorologët kanë njoftuar se bora e parë në vend në lartësi të larta tashmë ka rënë. Në stacionin Meteo Vladeasa, në malet Apuseni, u regjistrua edhe shtresa e parë e dëborës. Kjo ndodhi në lartësi mbidetare prej 1836 metra dhe temperaturat ranë nën zero gradë.
Dje Rumania u godit nga një ndryshim shumë i trazuar i kohës. Fronti i ftohtë erdhi përgjatë rajoneve veriore dhe perëndimore rë Rumanisë deri në mesditë dhe temperatura ra deri në 10°c, ndërsa në Karpate ra borë. Në të njëjtën kohë, në Rumaninë juglindore, ishte ende e ngrohtë me temperaturat deri në 32°c, në Bukuresht deri në 30°c. Gjatë mbrëmjes, i ftohti arriti deri në Rumaninë juglindore.
Shikoni pamjet:
