Në pikën doganore të Kapshticës në Korçë të Shqipërisë situata është rënduar si pasojë e të reshurave të dëborës.
Aty janë ndaluar të kalojnë kamionët dhe veturat nga mbrëmja e së dieles nga pala greke, ndërsa mjetet e vogla lejohen të kalojnë por duke përdorur zinxhirë.
Zona e Korçës dhe Elbasanit janë më të prekura, ku në disa zona të veçanta trashësia e dëborës ka arritur mbi 40 centimetra.
Probleme gjatë fundjavës ka pasur edhe në qarkun e Elbasanit, ku trashësia e saj ka arritur deri 30 centimetra.
Kompanitë e mirëmbajtjes po punojnë me kriposjen dhe mbajtjen e rrugëve hapur dhe aktualisht nuk ka asnjë aks të bllokuar, por qarkullimi duhet bërë me zinxhir.
Reshjet e dëborës kanë shkaktuar probleme edhe në zonat e thella të Gramshit. Në disa zona ka pasur probleme me energjinë elektrike.
