Në Australi, fronte të shumta stuhie goditën Luginën Hunter, Wollongong dhe Sydney të enjten pasdite, duke shkaktuar dëme të shumta.
Breshëri në madhësi sa një vezë goditi pjesën lindore dhe perëndimore të Sidneit kur një sërë stuhish “zbarkuan” në qytet në pasditen e vonë.
Meteorologu i Byrosë Meteorologjike, Ash Lange tha se kishte pasur njoftime për breshër 2cm në Petersham, breshër me 3.5cm në Summer Hill dhe 5cm breshër në Berowra.
Mediat sociale u mbushën me fotot e breshërit gjigant, ndërkohë që në pamje shihen rrugët e qytetit të mbuluara nga akulli.
Shërbimi emergjent i Shtetit u kërkoi njerëzve të qëndronin në ambiente të mbyllura për të mos u goditur nga gurët e breshrit masiv dhe të transferonin makinat e tyre në vende të sigurta ose larg pemëve.
Punonjësit e shërbimit të emergjencave thanë se kjo ishte stuhia më e keqe e breshërit që ka goditur qytetin në 20 vitet e fundit, pasi Këshilli i Sigurimeve të Australisë deklaroi ngjarjen si një “katastrofë” dhe tha se një numër i madh i kërkesave tashmë janë paraqitur, njofton MeteoBalllkan bazuar në shkrimet e mediave australiane.
Mediat australiane shkruajnë se reth 2000 shtëpi dhe biznese në Bregun Qendror mbetën pa energji elektrike të premten në mëngjes, ndërsa 5500 ishin pa energji në rajonet Hawkesbury dhe Lithgow.
Makinat dhe dritaret e shtëpive rezultuan të thyera pas stuhisë që përfshiu vendin. Shumë qytetarë që ndodheshin në ujërat e hapura u hodhën jashtë barkave të tyre për të mbrojtur veten nga breshëri i madh.
‘Nuk ishte stuhi normale’
Gurët më të mëdhenj të breshërit të regjistruar nga Byroja Meteorologjike ishin rreth 8cm , rreth Berowra në veri të Sidneit. Por ka pasur raporte të shumta edhe për copa breshëri rreth 5 cm, tha parashikuesi Jake Phillips.
“Definitivisht nuk ishte ditë normale e stuhisë”, tha ai. /Meteoballkan.com
This Sydney hail is some of the weirdest-looking hail I've seen. Terrifying, obviously, but so fascinating! Some look almost like flowers or little tiny planets. And literally 5 minutes after the giant hail, the weather returned to humid & sweltering. Ahh, Sydney… #SydneyStorm pic.twitter.com/YzzyD7HkjQ
— Laura Phenomenon (@LauraPhenomenon) December 20, 2018
