Modeli global kompjuterik për parashikim të motit GFS parasheh fillimin e reshjeve të borës në Kosovë ditën e diel në mbrëmje apo gjatë natës. Reshjet e borës do të jenë të intensitetit mesatar poR shtresat e borës do të krijohen edhe nëpër qytete e të mos flasim për vendet malore.
Ajo çfarë GFS “sheh” sonte është krijimi i ciklonit tjetër diku në Mesdhe ditën e Martë i cili do të përfshijë rajonin tonë me reshje të dendura bore dhe shiu. Njëkohësisht nga verilindja e kontinentit do të vazhdojë të depërtojë sasi e madhe ajrit të ftohtë me origjinë polare. Reshjet e dendura të borës do të shkaktojnë edhe uljen e mëtutjeshme të temperaturave. Gjithashtu sipas GFS do të kemi edhe stuhi dëbore në pothuajse tërë rajonin dhe kështu rajoni do të shndërrohet me pamje të një dimri të fuqishëm klasik.
Megjithatë problemi kryesor te ky parashikim është mospërputhja me modelin tjetër ECMWF dhe kjo na bënë të mos jemi shumë të sigurtë për këtë skenar të shumëpritur. Mundësia për realizimin e këtij skenari tani për tani është rreth 60 %. Jemi duke i pritur edhe rezultatet e modelit ECMWF dhe pastaj do të kemi një pamje shumë më të qartë. Sidoqoftë na pret një fund*Nëntor mjaft dinamik dhe me mjaft të reshura atmosferike.
Informacione të reja në postimet tona të ardhshme./meteoballkan
