Sot në Kosovë do të mbajë mot mjaft i paqëndrueshëm. Paradite me intervale kohore me diell. Gjatë dites, pasdite dhe në mbrëmje priten zhvillime të fuqishme të vranësirave konvektive të cilat pritet të kushtëzojnë rrebeshe lokalisht të fuqishme shiu me vetëtima, bubullimë dhe mundësi për breshër. Vende-vende priten rrebeshe mjaft intensive shiu në periudha të shkurtra kohore.
Në Shqipëri pritet të mbajë mot kryesisht me diell dhe mjaft i nxehtë. Pasdite në veri dhe lindje të vendit priten zhvillime konvektive dhe rrebeshe lokale shiu me vetëtima dhe bubullimë. Rrebeshe lokale shiu nesër priten edhe në Maqedoninë Veriore, Kosoven Lindore dhe gati tërë territorin e Malit të Zi me përjashtim të bregdetit. Vende-vende priten rrebeshe intensive.
Të dielën na pret mot më i freskët dhe me zhvillime të fuqishme të vranësirave të shiut të cilat pritet të na sjellin reshje shiu dhe rrebeshe lokale me vetëtima dhe bubullimë. Vende-vende priten rrebeshe intensive shiu. Më së shumti rrebeshe të fuqishme të dielën priten në Maqedoninë Veriore, por edhe rajonet tjera nuk do të jenë imune ndaj rrebesheve të fuqishme të shiu. Në Maqedoni ka shanse për ndonjë shtrëngatë të fuqishme që mund të prodhojë rrebeshe shumë të fuqishme dhe si pasojë mund të ketë vërshime.
Nga e hëna na pret mot me intervale kohore me diell, por moti nuk do të jetë krejtësisht stabil. Ende priten rrebeshe lokale shiu kryesisht në disa zona të izoluara. Mot shumë ,më stabil dhe më i nxehtë na pret nga e mërkura./MeteoBallkan
