Sot në Kosovë pritet të mbajë mot i ftohtë, me vranësira dhe intervale të shkurtra kohore me diell. Pasdite vonë do të ketë shtim të sërishëm të vranësirave të cilat do të kushtëzojnë reshje bore të cilat pritet të vazhdojnë edhe gjatë natës dhe paraditen e së enjtës. Temperaturat pritet të luhaten nga -6 deri në 3 gradë Celsius.
Në Shqipëri pritet të mbajë mot i ftohtë, por priten edhe kthjellime në shumë pjesë të vendit. Reshje sporadike mund të ketë në jug të vendit në formë shiu dhe bore, ndërsa sonte gjatë natës priten reshje bore në juglindje dhe lindje si dhe lokalisht edhe në qendër dhe jug të vendit.
Edhe të enjtën na pret mot i ftohtë, me vranësira dhe reshje lokale bore, kurse nga e premta nuk priten më reshje atmosferike, por temperaturat pritet të ulen sidomos gjatë natës dhe mëngjesit për shkak të fluksit të vazhdueshëm të acarit siberik. Përmirësim gradual i motit ose zbutje e acarit të fortë siberik pritet nga e diela ose e hëna./MeteoBallkan
