Sot në Kosovë pritet të mbajë mot i ngrohtë, me intervale kohore me diell dhe vranësira të cilat pasdite pritet të zhvillohen dhe zgjerohen dhe të kushtëzojnë rrebeshe të izoluara shiu me vetëtima dhe bubullimë. Në disa lokacione të izoluara priten rrebeshe intesnsive dhe breshër afatshkurtër. Temperatura maksimale pritet të arrijë deri në 25 gradë Celsius.
Në Shqipëri dhe rajon pritet të mbajë mot i ngrohtë, me intervale kohore me diell dhe zhvillime lokale të vranësirave vertikale të pasdites të cilat mund të kushtëzojnë rrebeshe të izoluara shiu me vetëtima, bubullimë dhe mundësi për breshër. Më shumë se gjysma e territorit do të mbetet e thatë.
Të mërkurën na pret mot me intervale të gjata kohore me diell dhe vranësira lokale. Rrallëkund pritet ndonjë rigë ose rrebesh i izoluar shiu.
Të enjtën dhe të premtën pritet të kemi mot mjaft të ngrohtë, me temperatura nga 25 deri në 28 gradë Celsius. Të premtën mund të arrijë deri në 30 gradë Celsius në ndonjë rajon. Pasditen e vonshme të së premtës në disa lokacione mund të ketë zhvillime të izoluara, ndërsa gjatë natës në Kosovë priten rrebeshe lokale shiu me vetëtima dhe bubullimë./MeteoBallkan
