Sot në Kosovë na pret mot kryesisht me diell dhe mjaft i nxehtë. Pasdite priten zhvillime vetëm në disa zona të izoluara të vranësirave konvektive të cilat pritet të kushtëzojnë rrebeshe të izoluara shiu me vetëtima dhe bubullimë. Temperaturat pritet të lëvizin nga 12 deri në 32 gradë Celsius.
Në Shqipëri dhe rajon pritet të mbajë mot kryesisht me diell dhe mjaft i nxehtë. Pasdite në disa vise kryesisht kodrinore-malore priten rrebeshe afatshkurtra dhe të izoluara shiu me bubullimë.
Edhe të premtën na pret mot mjaft i nxehtë dhe kryesisht me diell, por pasdite priten rrebeshe lokale shiu me vetëtima, bubullimë dhe mundësi për breshër. Në disa zona priten rrebeshe intensive por të cilat nuk zgjasin shumë.
Të shtunën na pret mot mjaft jo-stabil. Paradite me intervale të gjata kohore me diell dhe nxehtë. Gjatë dites ose pasdite priten zhvillime të fuqishme të vranësirave të shiut që do të kushtëzojnë rrebeshe lokalisht të fuqishme shiu me vetëtima, bubullimë dhe mundësi për breshër. Vende-vende priten rrebeshe mjaft intensive shiu. Në mesdheun e Shqipërisë do të vazhdojë mot me diell deri të dielën.
Të dielën më freskët, me intervale të shkurtra kohore me diell dhe vranësira dhe reshje lokale shiu në tërë rajonin. Vende-vende priten rrebeshe intensive shiu me vetëtima dhe bubullimë./MeteoBallkan
