Sot në Kosovë pritet të kemi ndryshim të motit. Paradite sipas të gjitha gjasave pritet të ketë mot kryesisht me diell dhe me vranësira të pakta lokale. Pasdite do të ketë shtim të vranësirave si pasojë e ardhjes së një fronti të dobët, të ftohtë ajror. Priten rrebeshe lokale shiu me vetëtima dhe bubullimë. Vende-vende mund të ketë rrebeshe intensive shiu, por të cilat nuk pritet të zgjasin shumë. Reshjet nuk do të jenë gjithëpërfshirëse.
Në Shqipëri dhe rajon pritet të mbajë mot me diell dhe i nxehtë. Pasdite në veri-verilindje të Shqipërisë, veri të Malit të Zi, disa vise të Maqedonisë së Veriut dhe Kosoves Lindore priten vranësira dhe rrebeshe lokale shiu me vetëtima dhe bubullimë. Temperaturat shënojnë ulje kryesisht të lehta.
Të Shtunën na pret mot i freskët, me intervale kohore me diell dhe vranësira të cilat mund të kushtëzojnë ndonjë rigë të izoluar shiu në ndonjë rajon. Në përgjithësi pritet stabilizim gradual i motit.
Nga e diela na pret mot kryesisht me diell dhe i nxehtë. Të martën pasdite mund të ketë rrebeshe të izoluara shiu me vetëtima dhe bubullimë, ndërsa temperaturat shënojnë rritje të konsiderueshme. Pas mesit të javës së re temperaturat mund të shkojnë deri në 38 gradë Celsius./MeteoBallkan