Sot në Kosovë pritet të mbajë mot i ndryshueshëm, me intervale të gjata kohore me diell dhe zhvillime të shtrëngatave lokale me shi, mundësi për breshër dhe bubullimë. Gjatë intervaleve të gjata me diell pritet të jetë shumë nxehtë dhe shumë zagushi. Rrebeshe lokale shiu mund të ketë edhe gjatë orëve të mëngjesit. Temperatura maksimale pritet të arrijë deri në 32 gradë Celsius. Natën mes të enjtes dhe të premtës mund të ketë rrebeshe lokalisht të fuqishme shiu me vetëtima dhe bubullimë.
Për dallim nga Kosova, në Shqipëri pritet të mbajë mot kryesisht me diell dhe shumë i nxehtë. Vetëm në veri dhe verilindje të vendit mund të ketë rrebeshe të izoluara shiu me vetëtima dhe bubullimë. Edhe në jug të Malit të Zi nesër pritet mot stabil, i nxehtë dhe me diell, ndërsa në veri të këtij vendi, në Kosoven Lindore dhe disa vise të Maqedonisë së Veriut përpos intervaleve të gjata kohore me diell, priten rrebeshe lokale shiu me vetëtima dhe bubullimë.
Të premtën parashihet të ketë stabilizim gradual të motit në Kosovë, megjithatë gjatë mëngjesit ende mund të ketë rrebeshe lokale shiu me vetëtima dhe bubullimë. Gjatë dites pritet mot kryesisht me diell dhe i nxehtë, me temperatura maksimale rreth 30 gradë Celsius. Në viset tjera të rajonit tonë të premtën pritet mot kryesisht stabil dhe me diell. Në Maqedoninë Veriore mund të ketë rrebeshe afatshkurtra shiu me vetëtima dhe bubullimë.
Edhe për fundjavë na pret mot mjaft i nxehtë, por me gjasa për rrebeshe të izouara shiu me vetëtima dhe bubullimë pasditeve./MeteoBallkan