Sot në Kosovë pritet të mbajë mot me intervale kohore me diell dhe vranësira të herëpashershme. Do të fryjnë erëra mjaft të freskëta nga veriu, ndërsa rrallë në disa vise mund të ketë ndonjë rrebesh ose rigë afatshkurtër shiu. Temperatura maksimale pritet të arrijë deri në 25 gradë Celsius.
Në Shqipëri dhe rajon pritet të mbajë mot me intervale të gjata kohore me diell dhe vranësira lokale. Në bregdet kryesisht kthjellët dhe me diell, por ende priten erëra nga veriperëndimi. Rrallë në disa vise mund të ketë ndonjë rigë afatshkurtër shiu, ndërsa erërat pritet të jenë nganjëherë të fuqishme nga veriu, veriperëndimi dhe verilindja varësisht nga rajoni.
Ditëve të ardhshme do të vazhdojë mot i ngjashëm. Në bregdet gjithnjë e më stabil, ndërsa në viset kontinentale do të vazhdojë ndikimi i masave relativisht të freskëta nga verilindja. Priten intervale kohore me diell dhe vranësira të herëpashershme. Rrallëherë në ndonjë rajon mund të ketë ndonjë rigë ose rrebesh afatshkurtër shiu. Nga mesi i javes së re rritje e ndjeshme temperaturave që do të jetë hyrje në valen e fuqishme tropikale që na pret./MeteoBallkan
