Nesër në Kosovë pritet të mbajë mot me vranësira të shumta e në disa rajone intervale kohore me diell. Mëngjesi do të jetë i ftohtë, vende-vende me mundësi për ngrica. Dita relativisht e ftohtë me erëra nganjëherë të ftohta nga veriu e verilindja.
Temperatura minimale pritet të zbresë deri në -1 gradë Celsius në mëngjes, kurse ajo maksimale pritet të arrijë deri në 9 gradë Celsius dhe atë në Dukagjin.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me intervale kohore me diell dhe vranësira të shpeshta të cilat në disa zona do të jenë më të theksuara. Në perëndim-qendër të Shqipërisë temperatura pranverore maksimale deri në 19 apo 20 gradë Celsius.
Mot pothuajse i ngjashëm do të mbajë edhe gjatë fundjavës, me intervale me diell dhe vranësira të shpeshta lokale. Në disa zona vranësirat do të jenë më të theksuara. Mëngjeseve të hershme mund të ketë brymë veçanërisht nëse kemi kthjellim të motit ngricat mund të jenë më të theksuara, por ka shpresa që të ketë vranësira dhe ngricat mund të jenë më të dobëta.
Fillimi i javës së re pritet të karakterizohet me reshje të pakta lokale shiu e në viset malore reshje të pakta bore./MeteoBallkan
