Sot në Kosovë na pret edhe një ditë e ftohtë dhe kryesisht e vranët. Në pjesët veriore dhe lindore – juglindore ende priten fjolla të herëpashershme bore. Temperaturat pritet të lëvizin nga -3 ajo minimale deri në 3 gradë Celsius ajo maksimale.
Në Shqipëri, Maqedoninë Veriore, Mal të Zi dhe Kosovën lindore pritet të mbajë mot me intervale kohore me diell dhe vranësira lokale. Rreze më të shumta diellore priten në Shqipëri dhe jugun e Malit të Zi, ndërsa në Maqedoninë Veriore priten intervale kohore me diell dhe mundësi për fjolla sporadike bore në veri të vendit.
Të hënën pas një mëngjesi me acar të moderuar, gjatë ditës priten vranësira dhe në disa vise intervale kohore me diell. Temperaturat ditore shënojnë rritje krejtësisht të lehta.
Të martën në Kosovë reshje lokale kryesisht afatshkurtra bore për shkak të ardhjes së një fronti të dobët, të ftohtë ajror. Reshje afatshkurtra bore priten edhe në veri të Malit të Zi, Luginën e Preshevës dhe disa vise kryesisht kodrinore-malore të Maqedonisë së Veriut.
Në mesjavë do të ketë rritje të temperaturave ditore, ndërsa një front tjetër me reshje pritet të rreth ditës së enjte.
Të premtën dhe gjatë fundjavës sipas ecurive aktuale sinoptike na pret mot i ftohtë dimëror dhe me reshje më të qëndrueshme bore./MeteoBallkan
