sOT në Kosovë do të mbajë mot i ngrohtë për këtë periudhë kohore. Priten vranësira dhe intervale kohore me diell, ndërsa orëve të mesditës dhe pasdite nganjëherë priten erëra të fuqishme nga jugperëndimi. Pasdite do të ketë gjasa edhe për riga ose ndonjë rrebesh afatshkurtër shiu në disa rajone.
Temperaturat nga 2 ajo minimale deri në 16 gradë Celsius ajo maksimale.
Në Shqipëri dhe Mal të Zi priten më shumë vranësira dhe riga lokale shiu. Po ashtu priten erëra nga jugu dhe jugperëndimi, ndërsa në Maqedoninë Veriore dhe Luginën e Preshevës do të mbajë mot i ngrohtë, me vranësira dhe intervale kohore me diell. Në Luginë pasdite vonë ka gjasa për ndonjë rrebesh shiu me bubullimë.
Të premten reshje lokale shiu në tërë rajonin. Në Shqipëri lokalisht priten rrebeshe intensive me vetëtima dhe bubullimë, veçanërisht në pjesët qendrore dhe veriore të vendit e më vonë edhe në jug. Rrebeshe mjaft të fuqishme priten edhe në Mal të Zi, ndërsa në Kosovë dhe Maqedoninë Veriore priten reshje dhe rrebeshe, por më të pakta krahasuar me Shqipërinë dhe Malin e Zi.
Të shtunën do të kemi ardhjen e një fronti të ftohtë ajror i cili do të kushtëzojë reshje lokale shiu e bore në viset kodrinore-malore. Temperaturat do të shënojnë ulje, ndërsa ka gjasa që fjolla afatshkurtra bore të ketë edhe në disa zona më të ulëta në Republikën e Kosovës.
Nga e diela stabilizim i motit dhe rritje graduale e temperaturave. Mëngjeset do të jenë me ngrica kryesisht të dobëta./METEOBALLKAN
