Sot në Kosovë pritet të mbajë mot plotësisht i vranët dhe vende-vende ende mund të ketë riga shiu. Në viset malore fjolla të herë pas hershme bore. Temperaturat pritet të shënojnë rritje krejtësisht të lehta.
Në Shqipëri, Maqedoninë Veriore, Mal të Zi dhe Luginën e Preshevës pritet të mbajë mot kryesisht i vranët dhe i freskët. Vende-vende ende priten riga kryesisht të dobëta shiu, ndërsa intervale kohore me diell priten në viset mesdhetare të Shqipërisë.
Të dielën në tërë rajonin na pret mot më stabil dhe pak më i ngrohtë. Priten vranësira dhe më në fund pas shumë ditëve mund të kemi edhe intervale kohore me diell pasdite.
Nga e hëna përmirësim i motit dhe rritje e temperaturave. Mëngjesi pritet të jetë i ftohtë dhe me mundësi për mjegull nëpër disa lugina, ndërsa gjatë ditës priten intervale të gjata kohore me diell. Në jug dhe lindje të Shqipërisë mund të ketë riga ose rrebeshe të izoluara shiu./Meteoballkan
