Sot në Kosovë pritet të mbajë mot mjaft i ftohtë, me alternime mes vranësirave dhe intervaleve kohore me diell. Vende-vende priten edhe reshje të herëpashershme, sporadike bore sidomos pasdite vonë të intensitetit kryesisht të dobët. Do të fryjnë erëra mjaft të ftohta nga veriu. Temperaturat pritet të luhaten nga – 14 ato minimalet në viset malore deri në -1 ose 0 gradë Celsius ajo maksimale.
Në Shqipëri dhe tërë rajonin pritet të mbajë mot mjaft i ftohtë, me alternime mes vranësirave dhe intervaleve të gjata kohore me diell. Në Shqipëri më shumë rreze diellore, por mbetet ftohtë për shkak të erërave të ftohta verilindore.
Nga e hëna edhe më ftohtë për shkak të afrimit të bërthamës së fuqishme të ajrit të ftohtë polar që pritet të godasë Greqinë dhe Turqinë. Këto dy shtete e sidomos Turqia pritet të goditet nga stuhi të reja të fuqishme bore dhe temperatura ekstremisht të ulëta dhe kjo për arsye të ciklogjenezave afër ose mbi territoret e tyre. Kjo është arsyeja kryesore që te ne nuk reshje të dendura bore për shkak se mungon një ciklogjenezë e fuqishme diku në Detin Adriatik ose Jon.
Sidoqoftë, para nesh dy ose tri ditë shumë të ftohta, me reshje sporadike bore në disa vise të Kosovës dhe “minuse” të thella. Acari pritet të jetë i fortë veçanërisht gjatë dy ose tri netëve dhe mëngjeseve të ardhshme, por edhe gjatë ditës priten temperatura nën 0 gradë Celsius.
Zbutje e acarit të fortë mund të kemi nga e merkura- enjta, por ende gjatë natës dhe mëngjeseve priten ngrica edhe pse më të dobëta./MeteoBallkan
