Në këto momente në jug të Detit Adriatik kemi të vendosur qendrën ciklonike e cila po sjellë reshje atmosferike vende-vende. Gjatë orëve të ardhshme pritet që në rajonin e Skandinavisë të fuqizohet anticikloni i cili do të “përpiqet” të depërtojë në drejtim të rajonit tonë duke na sjellur ulje të ndjeshme të temperaturave.
Në Veri të Malit të Zi në këto momente kemi reshje mjaft të dendura bore të cilat përcillën edhe me vetëtima dhe bubullimë.
Përplasja e këtyre dy masave ajrore në rajon do të shkaktojë reshje të dendura bore si p.sh. në veri dhe qendër të Malit të Zi, Bosnjë dhe Hercegovinë, Serbi, Bullgari dhe Rumani. Gjatë natës ulje të temperaturave do të ketë edhe në territorin e Republikës së Kosovës ku priten edhe reshje bore vende- vende me intensitet pak më të lartë. Erërat veriore do të fuqizohen dhe besojmë se shumica e territorit të Kosovës do të përfshihet nga reshje bore por duhet theksuar se në perëndim, jugperëndim dhe veriperëndim të vendit parashihen reshje më të pakta apo simbolike. Në pjesën verilindore të dh në viset kodrinore-malore të Kosovës priten reshje më të mëdha ku do të krijohen edhe shtresa. Shtresa bore simbolike do të krijohen edhe në shumë pjesë tjera të Republikës së Kosovës.
Gjatë ditës së nesërme do të vazhdojë të mbajë mot i vranët dhe me reshje të herëpashershme dhe lokale bore, gjithashtu do të kemi ulje të mëtutjeshme të temperaturave kurse ndjesia subjektive e të ftohtit do të jetë e fortë për shkakë të erërave veriore. Reshje të pakta bore priten edhe në esktremin verilindor të Shqipërisë dhe në disa pjesë të Maqedonisë. Reshje më të shumta bore do të ketë në viset kodrinore-malore.
Informacione tjera në postimet tona të ardhshme në meteoballkan.com.
