Sot si në Kosovë po ashtu edhe në Shqipëri dhe Maqedoni do të mbajë mot relativisht i nxehtë dhe vetëm lokalisht mund të ketë ndonjë rigë të dobët shiu. Do të fryjnë erëra të dobëta deri mesatare nga ana e jugut. Temperaturat do të shënojnë ngritje të mëtutjeshme, do të ketë intervale kohore të gjata me diell por edhe vranësira kalimtare.
Të Hënën do të kemi ndryshim të gjendjes sinoptike pasiqë nga veriu i Kontinentit në drejtim të rajonin tonë do të depërtojë një front i fuqishëm i ftohtë ajror. Pasditen e së hënës do të fillojnë reshjet e shiut fillimisht në Mal të Zi e pastaj edhe në Kosovë, kurse në mbrëmje edhe në Shqipëri dhe Maqedoni. Do të kemi erëra mesatare nga drejtimi i jugperëndimit kurse gjatë mbrëmjes do të fillojnë të fryjnë erëra të ftohta veriore. Vende-vende priten edhe intervale me reshje të dendura shiu, kurse në viset malore priten reshje të dendura bore.
Pas uljes së temperaturave do të kemi lokalisht reshje bore edhe në shumë qytete të Republikës së Kosovës dhe Maqedonisë. Reshje të dendura bore do të ketë në veiun e Malit të Zi, kurse në Shqipëri reshjet e borës do të përfshijnë verilindjen, lindjen dhe juglindjen e vendit por ato nuk do të zgjasin shumë. Pas kalimit të frontit do të kemi depërtimin e masave ajrore të ftohta nga veriu i kontinentit. Të martën do të kemi ngritjen e menjëhershme të presionit atmosferik por temperaturat e ulëta do të vazhdojnë të depërtojnë nëpërmes erërave të ftohta veriore. Reshjet do të ndërpriten por ende vende-vende ka gjasa që të ketë fluska lokale bore. Të mërkurën na pret mot i ftohtë dhe kryesisht i thatë.
Informacione tjera në postimet tona të ardhshme në meteoballkan.com./Meteoballkan.
