Sot në Kosovë pritet të mbajë mot plotësisht i vranët, i ftohtë dhe me reshje shiu e bore. Nëpër ultësira priten kryesisht reshje shiu, ndërsa në viset kodrinore- malore priten reshje shqote e bore. Reshjet e borës mund të paraqiten edhe nëpër disa vise më të ulëta të vendit tonë, madje reshje të përziera me shi e borë mund të ketë edhe në kryeqytet. Më shumë reshje priten në jug dhe lindje të vendit. Temperaturat pritet të luhaten nga 1 deri në 6 gradë Celsius. Nuk duhet pritur fjolla bore nëpër të gjitha ultësirat ngase një gjë e tillë është e pamundur.
Në Shqipëri pritet të mbajë mot mot plotësisht i vranët dhe me reshje shiu. Në jug dhe lindje të vendit priten reshje intensive shiu, ndërsa në viset malore të këtyre rajoneve priten edhe reshje bore. Reshjet më të dendura priten në Maqedoninë Veriore ku në viset kodrinore-malore priten reshje të dendura shqote e bore, madje reshjet e borës mund të paraqiten edhe nëpër disa vise më të ulëta. Reshje të dendura herë pas here nesër priten edhe në Luginën e Preshevës ku në viset kodrinore-malore priten edhe reshje bore, ndërsa në Mal të Zi priten reshje më të dobëta kryesisht borë në veri të vendit.
Nga e premta na pret mot kryesisht i vranët dhe ende i ftohtë, vende-vende me riga shiu dhe fjolla bore në viset malore. Intervale kohore me diell priten në Shqipëri. Nga e diela kryesisht pa reshje, ndërsa nga java tjetër pritet përmirësim i motit, edhe pse gjatë mëngjeseve dhe paraditeve mund të kemi krijimin e mjegullnajave./Meteoballkan
