Masa të fuqishme ciklonike tani do të vinë direkt në viset tona duke destabilizuar fuqishëm atmosferën dhe duke sjellur reshje të shpeshta atmosferike shiu e bore.
Fillimisht kemi ciklonin nr. 1 në Mesdhe afër jugut të Francës i cili ka filluar ndikimin e tij tani dhe pritet të sjellë reshje shiu orëve të ardhshme dhe gjatë natës, ndërsa fronti i ftohtë ajror nesër sjellë reshje të reja shiu e bore në viset kodrinore-malore. Reshjet do të jenë prezente në të gjitha viset tona herë pas here intensive. Në Shqipëri priten rrebeshe të fuqishme, lokale shiu me vetëtima dhe bubullimë.
Ka mundësi që edhe në Kosovë priten rrebeshe lokale me vetëtima dhe bubullimë. Rrymimet e fuqishme ajrore nga jugu do të kushtëëzojnë fillimisht rritje të temperaturave, pastaj ulje të tyre me kalimin e masës ajrore ciklonike në lindje të Evropes. Reshje shiu të shpeshta, pastaj edhe reshje afatshkurtra bore priten në fund të ciklonit shkaku i frontit të ftohtë të dielën.
Cikloni më i ri dimëror në fillim të javës së re
Pas kalimit të ciklonit të dielën vonë dhe të hënën do të ketë “qetësim” të motit por shumë shkurt. Nga Atlantiku i largët do të vjen një tjetër ciklon dhe ky mjaft i fuqishëm do të zhvillohet në Detin Adriatik si ciklon sekondar. Ky ciklon fillimisht do të kushtëzojë rritje të temperaturave dhe erëra jugore e perëndimore të hënën si dhe reshje të reja lokale shiu. Me kalimin ciklonit të fuqishëm në Greqi të martën do të vendosen rrymime të fuqishme ajrore kësaj radhe nga veriu dhe si pasojë do të kemi ulje të ndjeshme të temperaturave dhe reshjet e shiut do të shndërrohen në reshje bore.
Pra, para nesh ndryshime të shpeshta moti nga pranvera e hershme në vjeshtë, pastaj prapë pranverë, vjeshtë dhe dimër. Në fund kësaj radhe triumfon dimri me reshje bore, por edhe pas ciklonit dimëror që pritet të martën do të vazhdojë mot jo-stabil me ndryshime të shpeshta.
Reshje intensive priten sidomos në Shqipëri dhe Mal të Zi duke mos përjashtuar nganjëherë edhe pjesë të Republikës së Kosovës. Reshjet do të jenë të shpeshta dhe ka mundësi që prapë të ketë vërshime sepse toka është e ngopur me ujë. Në Kosovë për momentin nuk parashihen vërshime të mëdha, megjithatë kujdesi duhet të jetë i shtuar sepse një devijim edhe më i vogël i masës ajrore ciklonike dhe sistemeve të fuqishme të vranësirave të shiut mund të ndryshojë sasinë e reshjeve siç ndodhi herën e kaluar.
Ky dimër deri tani ishte i butë dhe pa borë, por ka mundësi që pjesa e mbetur e dimrit do të na sjellë episode më të shpeshta me reshje bore. Entuziastët e borës kanë arsye të jenë optimistë./MeteoBallkan
