Atmosfera mbi rajonin tonë është destabilizuar dhe për këtë nuk ka nevojë koment. Siç po e shihni edhe në fotografinë satelitore mbi rajonin tonë kanë vërshuar vranësira nga të gjitha anët të cilat po kushtëzojnë reshje të dendura shiu, vende-vende me vetëtima dhe bubullimë. Në Kosovë edhe disa orë priten reshje të dendura shiu, vende-vende edhe rrebeshe të fuqishme me vetëtima dhe bubullimë, kurse në orët e mbrëmjes vetëm reshje shiu e pastaj stabilizim gradual i motit por do të jetë ftohtë.
Në Shqipëri në orët e pasdites dhe mbrëmjes përsëri pritet destabilizim i fuqishëm i motit, me rrebeshe të fuqishme shiu me vetëtima dhe bubullima masive. Rrebeshe të fuqishme shiu me vetëtima dhe bubullimë do të ketë në shumicën e territorit të Shqipërisë, ndërsa gjatë natës pas kalimit të sistemeve frontale edhe në Shqipëri pritet stabilizim gradual i motit.
Rrebeshe të fuqishme shiu pasdite vonë dhe në mbrëmje priten edhe në Maqedoninë e Veriut.
Nesër në tërë rajonin mot stabil por i freskët./Meteoballkan
