Masa e fuqishme ajrore ciklonike që do të shtrihet që nga Italia veriore, qendrore me qendër (përgjatë Mesdheut) diku në jug të Italisë dhe Detin Jon e deri në perëndim të Turqisë do të sjellë reshje të reja shiu në Shqipëri, Maqedoninë Veriore, Kosovë e shumë pjesë tjera të Ballkanit që nga Mali i Zi, pastaj në Bosnjë dhe Hercegovinë, Kroaci, Slloveni e deri në rajonet Alpine të Evropes ku priten reshje bore, pra kemi të bëjmë me sisteme masive të reshjeve atmosferike, megjithatë reshje shumë të fuqishme nuk priten në viset tona por priten në pjesë të Greqisë dhe Turqisë.
Në viset tjera që i përmendëm priten reshje të shpeshta, por me disa përjashtime reshjet nuk do të jenë shumë të dendura.
Stuhi të fuqishme shiu me rrebeshe mjaft të dendura sot priten në jug- jugperëndim të Italisë.
Reshje bore priten vetëm në rajonet Alpine në Evropë dhe pjesë të Ballkanit ku bëjnë pjesë edhe Alpet shqiptare. Në viset tjera vetëm shi sepse temperaturat polare janë tërhequr thellë në veri dhe Evropa e Ballkani tani janë nën ndikimin e masa ndjeshëm më të ngrohta ajrore me origjinë nga Oqeani Atlantik.
Kosova pritet të përfshihet nga reshje shiu sonte në mbrëmje, por pa reshje të mëdha. Reshje të reja shiu në Kosovë priten të Premten dhe të shtunën kur reshjet e mund të zgjasin shumë më shumë, por intensiteti i tyre nuk do të duhej të ishte i lartë për të shkaktuar probleme të mëdha.
Reshje më të dendura priten në shumë pjesë të Shqipërisë dhe borë vetëm në malet më të larta. Nuk priten të ketë probleme të mëdha përpos rajoneve ku reshjet e dendura të ditëve të fundit kanë shkaktuar ngopje të tokës dhe çdo reshje e re mund të jetë paksa problematike.
Spekulimet për reshje bore gjatë pjesës së parë të Dhjetorit nuk kanë të bëjnë fare me realitetin sepse as që bëhet fjalë për borë, ndërsa për pjesën e dytë të Dhjetori të gjitha opsionet mbesin së hapura edhe pse nga tani nuk duket se do të ketë diçka konkrete duke u bazuar në parashikimet afatgjata.
Sidoqoftë, parashikimet afatgjata nuk janë aq kredibile, prandaj opsionet për reshje të mundshme bore afër festave të fundvitit mbesin të hapura.
Reshjet e shiut nga ky ciklon pritet të ndërpriten të shtunën në disa dhe të dilelën në shumicën e rajonit tonë./MeteoBallkan
