Ishte viti 2012 dhe të gjithë ankoheshim për mungesën e reshjeve të borës. Në fund të Janarit të atij viti në Kosovë dhe rajon kishin filluar reshjet e dendura të borës. Reshjet e borës ishin të qëndrueshme kurse situata sinoptike sa vinte e bëhej shumë më interesante në aspektin meteorologjik.
Anticikloni i Siberisë ishte forcuar aq fuqishëm sa që kishte tërhequr masa të fuqishme ajrore të ftohta nga Poli Verior dhe Siberia në drejtim të Evropës Lindore dhe Gadishullit Ballkanik. Ky anticiklon shtrihej deri në territoret e rajonit tonë. Në këtë mënyrë Deti Mesdhe dhe Deti Adriatik “reaguan” me krijimin e disa ciklogjenezave të cilat na sillnin vazhdimisht reshje të dendura bore. Anticikloni i Azoreve i cili është pengesa kryesore për reshjet e borës në rajonin tonë ishte i bllokuar totalisht për të penguar reshjet e borës si pasojë e ciklogjenezave në Mesdhe, Detin Adriatik dhe Jon. Kjo ishte situata ideale për reshje të vazhdueshme bore në vendin tonë ku trashësia kishte arritur mbi një metër ndërsa në viset malore edhe deri në tri metra.
Meteorologët rajonal këtë ciklon e emërtuan me emrin Gabor fjalë e cila rrjedh nga emri Gabriel që do të thotë “Bishë”. Ky ciklon ka hyrë në histori dhe do të mbahet në mend sa të ekzistojë mbamendja njerëzore në rajonin tonë. Sigurisht se edhe shumica nga ju e keni përjetuar. Nëse keni ndonjë fotografi nga viti Dimri i vitit 2012 mund të postoni poshtë në komente./MeteoBallkan
