Një ciklon i fuqishëm parashihet të krijohet në veri të Italisë duke u dhënë fund vales së fortë të nxehtësisë afrikane në disa vende të Evropes, ndërsa në territoret tona nxehtësia vazhdon deri të martën.
Stuhi të fuqishme shiu me bubullima priten që nga jugu i Francës, jugu i Gjermanisë, Zvicra e sidomos në veri të Italisë ku parashihen stuhitë më të fuqishme potencialisht destruktive në disa lokacione.
Territoret tona po përballën me valën më të gjatë të nxehtësisë së forte afrikane. Përderisa masat ciklonike lëvizin shumë ngadal në drejtim të territoreve tona do të na duhet të durojmë të nxehtit e fortë veror të paktën deri të martën.
Pas veriut të Italisë, në fillim të javës së re cikloni shumë i fuqishëm pritet të shkaktojë shumë stuhi në veri të Italisë, pastaj pritet të kapë edhe Slloveninë të hënën, ndërsa energjia ciklonike fillon të zbres poshtë Adriatikut në drejtim të Dalmacisë, Hercegovinës, Malit të Zi dhe Shqipërisë duke kushtëzuar rrebeshe dhe stuhi lokale me vetëtima dhe bubullimë, por jo të intensitetit të lartë sikur në Italinë veriore ose eventualisht në Slloveni. Temperaturat do të fillojnë të ulen dhe kjo shënon fundin e vales së nxehtësisë në Detin Adriatik. Ajri paksa më i freskët në territoret tona arrin të martën duke ulur temperaturat dhe duke kushtëzuar edhe vranësira dhe rrebeshe lokale shiu me vetëtima dhe bubullimë. Deri atëherë kënaquni me vapën verore./METEOBALLKAN
