Cikloni i fuqishëm Gjenovian!

Cikloni jashtëzakonishti  fuqishëm Gjenovian po sjell stuhi mjaft të fuqishme me shi vetëtima dhe bubullimë në pjesët qendrore dhe perëndimore të Mesdheut. Gjendje e njëjte pritet edhe dy ditët e ardhshme. Pritet që të bijnë sasira të mëdha shiu nga 50 deri në 100 mm shi, lokalisht edhe më shumë. Reshjet më të fuqishme priten në Gjirin e Gjenovës , në Alpe ku pritet që sasia e reshjeve të jetë ekstreme nga 300 deri në 500 mm. Në rajonet Alpine reshjet më të fuqishme priten në Italinë veriperëndimore dhe verilindore, perëndim të Sllovenisë, jugperëndim të Austrisë dhe në jug të Zvicrrës. Në këto rajone priten edhe vërshime masive dhe rrëshqitje të dheut. Në viset më të larta të Alpeve priten nga 50 cm deri në 1 metër reshje bore e lokalisht edhe më shumë. Reshje shiu ka edhe në pjesën qendrore, perëndimore dhe veriperëndimore të Evropës, në Spanjë, Portugali dhe Ishujt Britanik. Reshje bore ka pasur në Ishujt Britanik bile edhe nëpër viset e ulëta. Në malet e Pirinejve trashësia e borës ka arritur deri në 30 cm. Njëkohësisht jugu i Rusisë, Krapatet, lugina e Panonisë, Gadishulli Ballkanik dhe Apenin janë nën ndikimin e rrymimeve ajrore mjaft të nxehta nga Afrika Veriore dhe Mesdheu. Temperaturat janë të larta nga 10 deri në 15 gradë ceslius mbi mesataren, Keshtu që në rajonin tonë është mjaft nxehtë dhe kështu do të vazhdojë edhe ditëve të ardhshme.!