Tani po hyjmë në një periudhë shumë interesante meteorologjike me ciklone të shpeshta dhe ndryshime të shpeshta të temperaturave. Reshjet e shiut do të jenë shumë më të shpeshta dhe nuk do të na mungojnë edhe pamjet spektakulare nga reshjet e borës sidomos në Kosovë dhe viset kodrinore-malore të vendeve tona, megjithatë energjia kryesore dimërore ende është në Evropë dhe do të intensifikohet në Ballkanin veriperëndimor.
Cikloni shumë i fuqishëm do të fillojë të sjellë rreshje intensive atmosferike në Ballkan duke filluar nga Sllovenia, Kroacia, Bosnja dhe Hercegovina, Mali i Zi dhe Shqipëria. Këto janë vendet ku priten reshjet më të forta.
Jugu i Malit të Zi dhe veriu i Shqipërisë mund të kenë sasi ekstreme të shiut gjatë ditëve të ardhshme. Reshje mjaft intensive shiu e stuhi të fuqishme shiu me bubullima priten që nga bregdeti slloven, pastaj ai kroat, Hercegovinë e sidomos në Mal të Zi e Shqipëri. Përpos bregdeti reshje të dendura do të ketë edhe në kontinent.
Përderisa ne ende do të jemi nën ndikimin e masave të ngrohta ajrore, fluksi i ajrit të ftohtë polar do të fillojë të depërtojë në Slloveni gjatë ditëve të vikendit duke kushtëzuar reshje të dendura bore. Pas Sllovenisë reshjet e borës do të fillojnë në Kroaci dhe pjesë të Bosnjës e Hercegovinës dhe Serbi, e ndërkohë që Shqipëria dhe Kosova përfitojnë reshje të dendura shiu.
Me fillimin e javës së re ajri i ftohtë polar do të afrohet edhe Kosoves dhe kështu do të fillojnë reshjet e borës, ndërsa visetë tjera të Ballkani në drejtim të veriut e veriperëndimit do të kenë disa ditë me dimër të vërtetë dhe me reshje të dendura bore e shtresa bore, që nga Sllovenia deri në veriun e Malit të Zi e Serbi.
Shtresa bore priten edhe në Kosovë, por më të pakta. Përpos Kosoves reshje bore do të ketë edhe në viset kodrinore-malore të Maqedonisë së Veriut dhe Shqipërisë./MeteoBallkan
