Në këto çaste kemi ciklonin e fuqishëm në Detin Jon dhe brigjet e Greqisë. Ky ciklon solli reshje të dendura, vende-vende në Shqipëri dhe Mal të Zi dhe reshje lokale shiu në Kosovë dhe Maqedoninë Veriore të cilat ende po vazhdojnë lokalisht.
Cikloni solli edhe ulje të temperaturave dhe reshje bore në malet e Bosnjës dhe Hercegovinës, Kroacisë, Sllovenisë dhe Malit të Zi. Fjolla bore mund të ketë edhe në malet më të larta të Kosovës dhe Maqedonisë së Veriut.
Cikloni solli reshje të mirëseardhura në tërë rajonin pas gati një muaji thatësie dhe ndikimi anticiklonik. Temperaturat kanë shënuar ulje dhe janë rreth vlerave normale për mujin Nëntor.
Cikloni në këto çaste po kushtëzon stuhi të fuqishme në Greqi ndërsa po largohet drejt Turqisë ku edhe atje priten stuhi dhe rrebeshe të fuqishme lokale.
Me largimin e ciklonit do të pasojë stabilizimi gradual i motit dhe rritja e presionit atmosferik, gjegjësisht vendosja e mases së thatë ajrore anticiklonike. Temperaturat do të vazhdojnë të jenë rreth vlerave mesatare, por gjatë ditëve të javës do të shënojnë rritje./MeteoBallkan