Cikloni i cili na solli temperatura të ulëta, udhëtoi nga Greqia përgjatë Detit Egje në Detin të Zi. Greqia, Turqia dhe Bullgaria jgaanë goditur nga një stuhi me shi të bollshëm, borë dhe erëra të stuhishme. Shi i rrëmbyeshëm dhe borë pati edhe në Jug dhe juglindje të Italisë, ku bora zbardhi plazhet e Adriatrikut në Italinë Juglindore.
Mbrëmë ky ciklon i fuqishëm vazhdoi rrugën nga Egjeu në drejtim të Detit të Zi duke shkaktuar stuhi të fuqishme në Greqi, Bullgari dhe Turqi. Turqia dhe Greqia janë goditur nga stuhi shiu dhe bore. Në disa vende ky ciklon solli reshje intensive bore kurse në viset bregdetare stuhi të fuqishme shiu me vetëtima dhe bubullimë. Në këto pjesë cikloni lokalisht solli nga 50 deri në 100 mm shi për metër katror duke shkaktuar vërshime lokale. Në anën tjetër në viset malore të Bullgarisë dhe Greqisë pritet deri në gjysmë metre borë, lokalisht edhe më shumë.
Në anën tjetër në Evropën veriperëndimore kemi anticiklonin gjigant dhe kjo situatë sinoptike ka mundësuar depërtimin e masës së ftohtë të fuqishme ajrore pëmes Mesdheut deri në Afrikën Veriore. Si pasojë bregdeti kroat dhe malazez janë goditur nga erëra uraganike, kurse bregdeti italian në juglindje të vendit është zbardhur nga bora. Reshjet e borës në plazhet e Italisë do të vazhdojnë edhe ditëve të ardhshme, si pasojë e efektit “borë nga Adriatiku”. Bora gjatë ditës së sotme ka prekur edhe plazhet e jugut të Shqipërisë.